روايه السوبر

    شاطر

    السوبر

    عدد المساهمات : 3
    تاريخ التسجيل : 21/08/2017

    روايه السوبر

    مُساهمة  السوبر في الإثنين أغسطس 21, 2017 6:38 am

    روايه السوبر
    .
    .
    .
    .
    في لندن بدا يزدحم المكان والالوان بين ازرق و اصفر كنت واقفه مع اخواني ثنين و ابوي بعده قلت لهم بروح بعيد لين يجون البنات قالو لاتبعدين كثير وخلي الجوال في يدك
    رحت وجلست وانا اطالع الرايح والجاي واسمع عبارات عنصريه واضحك على اشكال النصراويه وهم واثقين من الفوز وع على فكره اكره شي في حياتي النصر ماحبهم كيف بتحمل في المدرجات و المدرجات بتكون خيطي بيطي نصر وهلال يارب صبرني بس
    شوي اشوف وحده حالقه شعرها في البدايه شكيت انها ولد بعدين دريت انها بنت مرت من عندي و انا على طول قطيت عبارات عنصريه هي يا فقراريه اجيب جحفلي ؟
    ( طبعا اسمي نجد عمري ١٨ شعري لكتفي بني و الباقي بتعرفونه في الروايه )
    والنصراويه اسمها الجوهره شعرها شبه محلوق طويله وسمرا
    الجوهره اكتفت انها تطالعني وتتحمد الله وتمشي
    نجد : او ماي قاد شعنده بنو فقر ؟
    الجوهره مطنشه وتتحلطم مع نفسها
    طبعا احنا برا مابعد ندخل الملعب
    نجد تتكلم وهي ميته ضحك وبدت تقط كلام وكلام واللي حولها اغلبهم هلاليه تتعالى اصوات ضحكاتهم مع تعليقاتها
    وحده من الجماهير : ياربي حرام عليك احرجتي البنت مو قادره تطالع من الاحراج
    الثانيه : انا رحمتها صراحه الله لايحطني مكانها
    الجوهره تسمع ومطنشه بس بدت تتنرفز من نجد لانها فعلا زودتها
    و بدت تتعالى اصوات الجماهير من بعيد وهم يرددون ( جحفلي - سدني - العالميه صعبه قويه )
    بس للاسف كان صوت جماهير النصر اعلى شوي
    على طول التفتت الجوهره ل نجد وابتسمت ابتسامه نصر مع غمزه
    نجد على طول فورت دمها حار ذا البنت بس سوت نفسها طبيعيه واكتفت ببتسامه عريضه بينت فيها كل اسنانها
    الجوهره : ضحكت بضحكه قوووويه حيل لانها درت ان نجد عصبت
    راحت الجوهره تمشي وهي عينها على جوالها
    ونجد من وراها تقول العبره في اللي يضحك في الاخير
    الجوهره : عادي احنا متعودين نضحك بس اخاف انتي تجيني تشاهقين
    نجد : لا حبيبتي انا متعوده اضحك في النهايه هههههههههه
    الجوهره ضحكت ضحكه قهر ومشت وهي تلعنها
    الجوهره : الو رهف وينك بسرعه تعالي طفشت
    رهف : جايه شوي واوصل
    جت رهف
    الجوهره : اخيرا مابغيتي
    رهف : شسوي زحمه واخوي اخرنا الا بسالك شفيك وجهك من قلب مفروض تفرحين اليوم العالمي بيلعب وغمزت لها
    الجوهره : طنشت وقامت تتافف
    رهف : شفيك فيك شي ؟ مو طبيعيه انتي
    الجوهره : وووووع قابلت بزر طول اصبعي الصغير وتنافخ و ترادد جحفلي ومدري شو
    رهف : هههههههه من جدك بزر تنرفزك ؟
    الجوهره : حسبي عليها بس عكرت مزاجي
    رهف : في احد يعكر مزاج جوجو افا بس
    عند نجد تناقز فرحانه انها بتشوف الهلال الحب بتاعها
    دخلو المدرجات وبدت الاصوات تتعالى وتشجيعات
    ونجد متنرفزه ماتبي اي نصراوي حولها
    نجد : وووووع ربي ياخذهم وشلون بستحملهم
    بنت خالتها : خلاص عاد لا تفضحينا شجعي وتركيهم
    نجد تتلفت وطلعت ورى شافت الجوهره جالسه ومعها بنات
    نجد طالعت الجوهره وغمزت
    الجوهره : يارب صبرني على مابلاني
    رهف : شفيك
    الجوهره : فيه ناس مقرفه هنا ماتدري انها بتندعس اليوم
    رهف : وريني وينها
    الجوهره : مابي احوم كبدك
    رهف : تكفين وينهي ابي اشوفها
    : اشرت قدام عليها بس كانت نجد معطيتهم ظهرها وتصارخ ومتحمسه
    الجوهره : مسكينه وش ذا الثقه عندها
    رهف : جد كسرت خاطري بعد شويات تشوفين دموعها
    ضحكو وطنشو نجد
    بدت المباره وبدت لعبه الاعصاب
    الجوهره تعشق النصر
    ونجد تعشق الهلال
    انتهى الشوط الاول صفر صفر
    وكلن على اعصابه
    نجد التفت بين الشوطين بعد مازهقت وهي تنتظر وقامت تطقطق على الجوهره والنصراويات
    نصراويه : اقول الوعد نهايه المباره
    الجوهره : يع من جدك انتي تبين الجنس الثالث تبعكم يفوز اركدي بس انا العب افضل من نوافكم وسلومكم ههههههه
    بدو يراددونها الهلاليه و يالبويه و بندعسك
    وهي فاطسه ضحك
    الجوهره : الا غريبه ليه ما جابو نيشمورا يحكم المباره
    النصراويه : ههههههههههههههه
    نجد : اكتفينا بجحفلي نفتخر بلاعبينا ا و شعارنا ما نتفاخر ب انتصارات غيرنا مع غمزه
    على طول تصفيق وتشجيع
    الجوهره شوي وتمردغ نجد لان جد اسلوبها نرفزها
    بدو يدخلون الاعبين
    وكلن على اعصابه
    جات الدفيقه ٦٢ اللي سجل فيها ادوادو هدف الهلال
    او صراخ نجد و الجماهير اف ممتع ذا الشعور
    والتفت على طول على الجوهره وهي تمد لسانها
    والجوهره تاشر العبره في النهايه
    مر الوقت والجوهره تغلي نار شوي وتنفجر
    قرب الوقت ينتهي واعصابها تلفت
    صفر الحكم الصافره الاخيره اللي شوي وتبكي الجوهره و نجد راحت لها وهي تناقز
    نجد : ماقلت لك بندعسكم هههههههه
    الجوهره : قربت منها والله لو مانتي بزر كان دستك برجلي
    نجد : هههههههههههههههههههه ليه حرقه الاعصاب ذي ترى متعودين على الخساره انتو مو جديد عليكم
    الجوهره وصلت حدها
    الجوهره مسكت قميص نجد بقوه ( اللي معها يحاولون يهدون
    الجوهره : ليتك كبيره شوي عشان ماتحسف على تصفيقك
    نجد : ترى عمري في العشرين واذا فيك خير قربي يا حثاله في الملعب وخارج الملعب
    الجوهره فقدت اعصابها كانت بتطق خصوصا ان نجد كانت تضحك ويقهر اسلوبها بس فرقوهم صديقاتهم و كلن راح في طريقه
    والجوهره تحلف ل رهف لو اقابلها لدفنها وهي حيه
    انتهينا من لندن ورجعنا لرياض
    بعد مرور فتره
    في المدرسه
    نجد في الفصل وتسمع البنات يسولفون
    ش: يو ماشفتو بنات التطبيق وحده منهم بويه تخقق
    ع: اي وربي شفتها برى مع الابلات تهببل
    نجد متحمسه : امشو نهرب ابي اشوفها
    عبير : نجد شفيك المديره ما قالت اي مشكله بتفصلك خلاص ماتعبتي
    نجد : مارح اهرب بستاذن للحمام ووحده منكم تستاذن للعياده ووروني شكلها متحمسه
    نجد استاذنت و راحت مع وحده من البنات توريها البنت
    وهم يمشون قالت البنت نجد شوفيهم برى في الساحه
    ( هم يشوفونهم من ورى القزاز
    نجد : اي وحده هي
    البنت : مممم اي شوفيها ورى لابسه زيتي ونظاره
    نجد : ذي مو غريبه علي احس ش ف لااااا
    البنت : نجد شفيك ؟؟؟؟
    ---
    ملاحظاتكم و توقعاتكم
    اذا في تفاعل بكمل بكره
    avatar
    DEVIL

    عدد المساهمات : 36
    تاريخ التسجيل : 19/08/2017
    العمر : 20
    الموقع : لبنان

    رد: روايه السوبر

    مُساهمة  DEVIL في الإثنين أغسطس 21, 2017 7:02 am

    والله ما في توقعات غير انو البوية هي الجوهره clown
    المهم كمل drunken
    avatar
    LOOMY

    عدد المساهمات : 80
    تاريخ التسجيل : 18/08/2017
    العمر : 15

    رد: روايه السوبر

    مُساهمة  LOOMY في الإثنين أغسطس 21, 2017 11:39 am

    اكيد بتكووون شافة الجوهرة.

    كمل كمل Surprised Surprised

    السوبر

    عدد المساهمات : 3
    تاريخ التسجيل : 21/08/2017

    البارت ٢

    مُساهمة  السوبر في الثلاثاء أغسطس 22, 2017 8:39 am

    البارت ٢
    نجد منصدمه
    من بين كل المدن ما صارت الا في نفس مدينتها
    من بين كل المدارس ماصارت الا في مدرستها !!
    قامت تسترجع العبارات الاخيره اللي قالتها لها الجوهره
    والله لو اشوفك لاذبحك
    ذولا فكوني منك ولا بعرف اربيك يابزر
    البنت : نجد نجد يالله امشي بسرعه تاخرنا
    وقفت نجد من سرحانها وراحت للفصل
    كان انقليزي والابله تشرح ونجد سرحانه وفي عالم ثاني
    محد يعرف ولا قالت لصديقاتها لانها بعد مصدومه
    بس مدري صدمتها صدمت فرح عشان تكمل طقطقه
    ولا صدمت خوف ولا صدمت شنو
    عند الجوهره
    الجوهره : اف ضغطونا ذولا كله انتظار حللو ام امنا
    ريما : اي لازم يستغلونا عشان يرتاحون
    الجوهره : باقي عندي حصتين انتظار شكلي بروح استبدلهم ابي ادخل استماع عشان اشرح المره الجايه
    البنات كلهم ايدوها
    بس للاسف قالت الاداره الاستماع بكره مو اليوم
    راحت الجوهره انتظار مع شلتها اول مادخلت الفصل كله سكت واللي فاتحه فمها واللي تتميلح وعبارات جانبيه خلت الجوهره تطلعت توقف برى
    ريما : شفيك خلينا ندخل نتعود على الفصول
    الجوهره : *تتافف*
    ريما: شفيك
    الجوهره : قرف ماتحمل مبزره انا
    ريما : انت ماتتحمل احد اصلن
    الجوهره : اكتفت بنظره قاسيه
    طبعا الفصل كله واقفين عند القزاز يطالعون الجوهره
    الجوهره انتبهت لهم وتنرفزت
    الجوهره ؛ امانه شوفي المنظر بس * تاشر على القزاز
    ريما شافتهم وضحكت
    ريما : شفيك خل روحك رياضيه
    الجوهره : ذكرتني بنصر اشتقت له لبى بس مايعدل مزاجي الا هو
    * مدري ليه في ذي الحظه جات في بالي نجد و تنرفزت *
    يمكن لانها الوحيده اللي علت صوتها علي
    او يمكن لانها الوحيده اللي نرفزتني
    انا بنات الجامعه كلهم مايتجرؤن يكلموني كيف ذي تنرفزني
    بس اللي اعرفه اني لو اشوفها تسيح بدمها قدامي بستمتع وانا اناظرها ومستحيل اساعدها حقدت عليها اكثر من اي شي في الحياه
    وفوق حقدي على تصرفاتها وعيوبها وشخصيتها بعد تشجع عدوي اكثر نادي اكرهه اكثر نادي مدلع من التحكيم والاتحاد السعودي يو شكثر اكره ذا النادي البغيض و جمهوره اللي ماينبلعون
    ريما : هي وين وصلتي
    الجوهره : كم باقي وتصفر بس حامت كبدي من ذولا
    انتهت الحصه وانتهى اليوم الدراسي ل الجوهره بما انه اول يوم لها
    اليوم الثاني
    في المدرسه
    انتهت الحصه الثانيه و جات ابله التاريخ
    السلام بنات
    البنات : وعليكم السلام
    الابله : اليوم بيجون بنات التطبيق عندهم استماع حطو لهم كراسي ورى ولا ابي نفس
    نجد تفكر امس جاو عربي استماع ياربي ذي وش تخصصها اف مدري صراحه بس احسها انقليزي
    قطع تفكيرها دخول الجوهره وريما والبنات
    مرو من عند البنات
    نجد ؛ * بصوت واطي و الجوهره كانت ماره من عندها * اخبارك بعد السوبر
    الجوهره فتحت عيونها ولفت بسرعه شافت نجد انصدمت ولا كان علا وجهه اي علامه يمكن الصدمه شلتها
    طبعا نجد الكرسي الاخير والبنات حق التطبيق صفو ورى والجوهره اختارت الكرسي اللي ورى نجد بضبط
    مع شرح الاستاذه والبنات يكتبون الملاحظات
    الجوهره سوت نفسها تكتب وقربت من نجد قالت اجل عمرك عشرين ها
    نجد انصدمت وبلعت ريقها تذكرت يوم قالت لها ان عمرها عشرين
    بس سكتت وبينت ان الوضع عادي
    رجعت الجوهره وقربت من عند نجد وقالت : داريه اصلن انك بزر مامشت علي الكذبه واتمنى انك مانسيتي وش قلت اخر مره لك
    نجد تذكرت انها هددتها بعد ماتطاولت نجد عليها
    انتهت الحصه وطلعت الجوهره
    وكانت نجد متنرفزه
    عبير : نجد شفيها ذي تقرب منك مالقت تسال الا انتي لايكون حبتك ذي البويه
    * عبير تحسب الجوهره تسال عن الماده
    نجد : ...
    عبير : نجد اكلمك ؟
    نجد : التفت على عبير وراحت وطنشتها
    عبير : الحمدالله وشكر
    دخلت نجد الحمامات تعدل شكلها بس كانو شله التطبيق فيه
    تنرفزت نجد تبي تعدل شكلها وتطلع على طول
    جلست تطالع المرايه ومطنشه وجود بنات التطبيق
    الجوهره : ريما من تتوقعين ياخذ اسيا ذا السنه ؟ بضحك
    ريما : مدري بس الاكيد مو الهلال
    الجوهره : اف اف الهلال وين واسيا وين
    نجد درت انها تسمعها فتحت الباب بقوه وطلعت
    ريما : يمه شفيها ذي استخفت ؟
    مها : لايكون ذا المزا هلاليه ؟
    الجوهره : من المزا ؟
    مها : اللي كانت تعدل شكلها
    الجوهره : هذي شغالتنا احلا منها * قالتها وهي واضح انها متنرفزه
    مها وريما استغربو بس سكتو ومشو الوضع
    لانهم يخافون من الجوهره اذا عصبت
    صفرت الفسحه و انتهت وجات الحصه الرابعه
    نجد كانت متوتره كل شوي تشيك على منبر الهلال في تويتر
    شوي الا دخلت الفصل الجوهره
    الجوهره : السلام عليكم
    البنات : وعليكم السلام
    ف : بتدرسينا ؟
    الجوهره : ان شاء الله بكره بدرسكم
    ق: استاذه وش تتدرسين
    الجوهره بزفره : تاريخ
    ص: استاذه ا
    الجوهره : بس خلاص مابي كلام كثير انا انتظار سو اي شي بس لا يعلى صوتكم
    نجد طنشت وجلست تحوس في الجوال وتحدث كل شوي تويتر تبي تشوف اخبار الهلال
    الجوهره حست ان نجد مشغوله بشي
    مرت بسرعه من عندها وشافت الجوال وسحبته
    نجد : خير رجعي الجوال
    الجوهره : قصري صوتك واجلسي يالله
    نجد : بقصر بس رجعيه
    الجوهره : ابتسمت بسخريه لا مارح ارجعها واجلسي ولا همس لا اوديه للاداره
    نجد تذكرت ان المديره منبهتها ماتسوي شي
    وجلست وهي مرتفع ضغطها من الجوهره
    الجوهره شافت الجوال مفتوح على منبر الهلال حامت كبدها من نجد وتذكرت كيف كان تعايرها
    * والله لو شنو يصير ماخليك يابزر اجل انا تفشليني قدام الرايح والجاي
    طبعا الجوهره عرفت ان نجد خايفه من الاداره عشان كذا استغلت الوضع وخذت الجوال معها وقالت قبل تطلع من الفصل
    الجوهره : انتي في فسحه الصلاه تعالي غرفتي
    نجد : خير ابيه الحين رجعيه
    الجوهره * بعصبيه * شنو ماسمعت عيدي ؟
    نجد : مو ذنبي اذا انتو فاشلين تحطين حرتك فيني
    * البنات مو فاهمين شي في حاله ذهول
    اما الجوهره قطت الكتاب بقوه على الطاوله وراحت لنجد ورى
    الجوهره : وربي لاتندمين على كلامك اذا تبين تلعبين عادي انا خبيره في ذا الامور كنت راحمتك لانك بزر بس ماتنرحمين انتي * بعصبيه تتكلم
    نجد ابتسمت لان الجوهره عروق وجهه طلعت من الصراخ
    اما الجوهره ماتت قهر بعد ابتسامت نجد
    طلعت الجوهره من الفصل وهي تتوعد نجد وتتحلف فيها
    ----
    رايكم حاليا
    فيه شخصيات بعد بس مدري ادخلها او اكتفي بذولا
    اي وشنو تشجعون كل شخص يكتب فريقه
    اذا شفت اكثر من ثلاث تعليقات كملت لان احس مافي تفاعل
    avatar
    LOOMY

    عدد المساهمات : 80
    تاريخ التسجيل : 18/08/2017
    العمر : 15

    رد: روايه السوبر

    مُساهمة  LOOMY في الثلاثاء أغسطس 22, 2017 12:53 pm

    اشجع الهلال اكيد king

    لاا بلييز كمل الروايه جدا جميله وفيها حماسbounce bounce
    ومادري عن الشخصيات اذا بتزيد او لا confused

    السوبر

    عدد المساهمات : 3
    تاريخ التسجيل : 21/08/2017

    البارت ٣

    مُساهمة  السوبر في الأحد أغسطس 27, 2017 11:59 am

    البارت ٣
    راحت الجوهره لغرفت تجمع بنات التطبيق وكانت معصصصبه
    ريما : خير شفيك !
    الجوهره : ولا شي
    ريما : كيف ولا شي ليه معصبه
    الجوهره :*بصراخ * قلت ولا شي
    ريما نزلت راسها
    الجوهره تنهدت حست انها زودتها
    الجوهره : تذكرين البنت اللي فشلتني في مباره السوبر
    ريما : اي اي شفيها ؟
    الجوهره : طلعت هنا في المدرسه
    ريما : مدرسه ؟
    الجوهره ؛ هههههههه لا طالبه
    ريما : تطنزين ؟
    الجوهره :والله من جد
    ريما : بزر تفشلك قدام العالم
    الجوهره :* بعصبيه * بس انا برد لها الكف كفين
    ريما : مانبي مشاكل نبي درجات العملي بليز
    الجوهره : لو على فصلي من الجامعه وربي ماخليها وانا حالفه
    ريما اكتفت بسكوت لان الجوهره واصله اقصى مراحل العصبيه
    عند نجد في الفصل
    ش: مادريتو ترى البويه اللي جاتنا مشكلجيه مابقى احد ماتمشكلت معه لا و مشهوره في جامعه ....
    وعطت البنات قروب بنات الجامعه و دخلت عبير القروب وقالت انها من الجامعه و سالت عن الجوهره قالت ابي اعرف عنها
    ج: وليه تسالين عنها وشنو تبين فيها ؟
    عبير : عاجبتني
    ا: هههههههه عاجبه كثير مو بس انتي بس الكل يحلم فيها
    عبير : ليش ؟
    ن: وتقول ليش بعد انتي روحي لها وبتعرفين ليش ههههههههه
    نجد : خلاص عبير اطلعي من القروب وقفلي الجوال لاحد ياخذه
    عبير : يو شكلك تعقدتي من الجولات
    نجد ؛ تخسي فقراويه تعقدني
    عبير : ؟؟؟؟؟
    نجد : يو سالفه طويله
    عبير : قولي اسمعك
    ونجد قالت كل السالفه
    عبير ؛ عشان كذا هي حاقده عليك
    نجد : يب
    عبير : وووع تصدقين كرهتها يوم دريت انها نصراويه
    نجد : ههههههه مالومك شعب مكروه
    عند الجوهره
    كانت تشوف الجوال وشافت الكفر مكتوب عليه ( امتع ناظري بهلال نجد )
    الجوهره : مالت على الهلال وطاري اللهلال وانتي بعد يالي مدري شسمك
    ريما سمعتها
    ريما : خاطري اشوفها احسها متوحشه وضخمه
    شوي ينفتح الباب بقوه
    الجوهره وريما وكذا وحده تروعو
    الجوهره : هي ماتعرفين الادب انتي
    نجد : مخليته لك
    الجوهره : وقفت وهي معصبه خير وش جايبك
    نجد : اللي في يدك
    الجوهره : ومن زينه هو والتيفو اللي انجلدتو فيه
    نجد : عاد الكفر اهم من الجوال * تقوله بحركه تقهر
    الجوهره : اوك دامه اهم تفضلي
    خذت الكفر وحطتها في الارض وكسرته
    نجد صرخت بقوه ؛ هي انتي مجنونه خخخير موذنبي انا بسنوات الحرمان اللي عشتو فيها يافقر
    الجوهره : ريما سكر الشباك و الباب بسرعه
    ريما : ان شاء الله
    الجوهره مسكت شعر نجد بقوه لدرجه عروقها بينت
    الجوهره : انتي يا اصبع رجلي الصغير ماترفعين صوتك علي لا اخليك مكان الكفر فاهمه
    نجد : فكي يا حي اا
    الجوهره تشد اكثر
    الجوهره : عيدي وش قلتي ؟
    نجد : فك ي
    الجوهره : ماتقدرين تتكلمين صح ؟
    نجد ....
    ريما : خلاص هديها بتموت بيدك
    الجوهره : عادي ماعليها حسافه ذي
    ريما : هي عادي بس اهم شي انتي لا تضرر ين
    الجوهره : لا انا مارح يجيني شي عشان وحده واطيه اهلها ماعرفو يربونها
    الجوهره : اسمعي يابزر اذا شفتك بس حاطه عينك بعيني بفقعها لك فاهمه
    نجد : ..... * ودموعها نزلت
    الجوهره فكتها
    نجد : الحين بنزل للاداره وبقولهم انك شديتي شعري وشوفي وش بيسون
    الجوهره : ريما افتحي الباب والشباك
    نجد : هين اذا ماخليتك تندمين
    الجوهره : توقعت ينقص لسانك بس شكل المبزره يتعبون واجد
    نجد : شغلك تحت في الاداره
    جات بتطلع نجد
    الجوهره : كل اللي هنا بينكرون كلامك و كل اللي فصلك بيأيدون كلامي انتي جبتي جوالي وانا اخذته وزعلتي والفتي كل ذا المسرحيه
    نجد حست انها بتنفجر موقفها ضعععيف حيل وخصوصا انها جايبه جوال
    خذت جوالها وطلعت وهي تبكي مقهوره
    ريما : الجوهره من جدك خفي على البنت
    الجوهره : ماشافت شي وربي
    ريما : ممممم بس تاخذ العقل الكلبه مخربها اخلاقها ولا صاروخ
    الجوهره : * بعصبيه * ذي تاخذ العقل ذي قرود الطايف احلا منها
    ريما اكتفت ببتسامه مزيفه تسلك للوضع
    عند نجد تشاهق في الحمام وتبكي وتتوعد الجوهره
    والله لاخليها تندم وووع ماعاد الا ذا الفقراويه تحط حرت حرمانها فيني وربي لا اندمها على اليوم اللي جات فيه
    انتهى اليوم
    وبدا صباح جديد
    الجوهره وريما دخلو غرفه المعلمات حقتهم
    الجوهره : صباح الخير
    مها : صباح النور على فكره في شي لك
    الجوهره : لي انا ؟
    مها : اي وعطتها
    صندوق مكتوب ل الجوهره
    الجوهره : من عطاكم ؟
    مها : مدري جينا لقيناه هينا
    الجوهره فتحت الصندوق وانفتحت عيونها معه
    الجوهره : وربي ماخليك يابزر انتي ناويه تجبين اخرتك
    ----
    صراحه مدري البارت اللي قبل قلت ثلاث تعليقات ولا شفت شي فقط تعليق واحد
    احس مافي تفاعل او الروايه ماعجبتكم
    وصح اللي خارج السعوديه ماتوقع بيفهمون شي من الروايه
    avatar
    LOOMY

    عدد المساهمات : 80
    تاريخ التسجيل : 18/08/2017
    العمر : 15

    رد: روايه السوبر

    مُساهمة  LOOMY في الإثنين أغسطس 28, 2017 1:59 am

    يالله حمااس bounce ودي اعرف وش اللي ف الصندوق ؟ confused
    avatar
    LOOMY

    عدد المساهمات : 80
    تاريخ التسجيل : 18/08/2017
    العمر : 15

    رد: روايه السوبر

    مُساهمة  LOOMY في الإثنين أغسطس 28, 2017 2:18 am


    امانه كمل ولا مو معبيه عينك Sad Embarassed

      الوقت/التاريخ الآن هو السبت نوفمبر 18, 2017 5:07 am