مُـجرد احاديث !

    شاطر
    avatar
    الفجر

    عدد المساهمات : 7797
    تاريخ التسجيل : 10/02/2014
    العمر : 31
    الموقع : عٓفٓا الله عمّا سٓلفْ ~

    رد: مُـجرد احاديث !

    مُساهمة  الفجر في الجمعة أكتوبر 06, 2017 5:08 pm

    جوجو بالحضن يختيييي Crying or Very sad
    شلووونك وكيف دراستك وحياتك ؟
    جميله صفحاتك ماقريتها كلها بس الاغلب الي مريته جمييييل
    استمري وفضفضي محد فاضي لأحد ويستمع له غير الورق والكتابه
    avatar
    جوآآآآهر

    عدد المساهمات : 17012
    تاريخ التسجيل : 18/12/2013
    الموقع : الريآض

    رد: مُـجرد احاديث !

    مُساهمة  جوآآآآهر في الأحد أكتوبر 08, 2017 4:45 am





    لك وحشة أكبر
    الحمدالله على العال انتِ كيفك ؟
    صدقتي والله ..


    avatar
    جوآآآآهر

    عدد المساهمات : 17012
    تاريخ التسجيل : 18/12/2013
    الموقع : الريآض

    رد: مُـجرد احاديث !

    مُساهمة  جوآآآآهر في الأحد أكتوبر 08, 2017 4:56 am





    لاشفتها دنياي عني تغيبي
    ولفني موج الهوى بين الهداب !
    إن كان ذبحي من عيونك نصيبي
    اموت لعيونك ولا احسب حساب !



    avatar
    جوآآآآهر

    عدد المساهمات : 17012
    تاريخ التسجيل : 18/12/2013
    الموقع : الريآض

    رد: مُـجرد احاديث !

    مُساهمة  جوآآآآهر في الأحد أكتوبر 08, 2017 5:11 am






    احياناً ودي
    اخلع قناع المجاملة
    المفروض علي !
    واقول لكل شخص الكلام
    الي يستاهله .. بالأسلوب
    الي يريحني !
    ليه اجامل عشان شخص ما
    لمجرد اني احبه .. اجامل أهله
    الغثيثين ؟ طيب هو شيء وهم شيء .
    وين ايام التهور الي كنت اعيشها
    ومايهمني أكبر رأس على وجهه الأرض
    ايام الطيش اقول الي اقوله ومحد يحاسبني
    الكل يبي السلامه من لساني .
    الأن كل شيء اوزنه بالميل قبل يخرج من فمي
    وإذا حطيت راسي على المخده اعاتب نفسي
    ليه قلت كذا ؟ وليتني قلت كذا !
    ولو سكت أفضل ولو تكلمت احسن !!!!
    انكسر ؟ مدري كبر وعقل أقوى شيء فيني .
    اشتقت لأفضل أسوء أمر اطعم مراحل حياتي .


    avatar
    جوآآآآهر

    عدد المساهمات : 17012
    تاريخ التسجيل : 18/12/2013
    الموقع : الريآض

    رد: مُـجرد احاديث !

    مُساهمة  جوآآآآهر في الأحد أكتوبر 15, 2017 2:14 am






    عندي أمنيات استحالة تحقق
    معنها بريئة وسهله والله !!
    لكن الدنيا تحب تكسر نفس الإنسان
    بدون اسباب .. يالله رضاك والجنه .



    avatar
    جوآآآآهر

    عدد المساهمات : 17012
    تاريخ التسجيل : 18/12/2013
    الموقع : الريآض

    رد: مُـجرد احاديث !

    مُساهمة  جوآآآآهر في الأربعاء نوفمبر 01, 2017 6:29 pm






    وجهي يحرقني وصاير احمر
    الشمس صلختني Crying or Very sad
    مدري وش إسوي واقفة عند المراية
    حزينه .
    الله لا يسامح الي خلتني امشي تحت
    الشمس المشكلة كل الي قدرت عليه
    اني اعطيها نظرات حقد لو عيوني تنطق بس !!!
    ليش الواحد مايخاف ربه بشغله والناس .. والله
    بيجي يوم تندم على كل حركات الملعنه الي سوتها
    بالناس .. بتدور الدنيا بتشوفها بنفسها لو بعد سنه .
    ودي اعضها وسحّب فيها على الارض واعطيها كفوف
    ورى بعض وامخش وجهها .
    والله مجرد الخيال اني اصفقها يونس !
    المشكلة الحين كل يوم بتصلخني الشمس والله حرام
    عسى تصلخها الشمس هي ما احب أذل نفسي وطلب
    الشيء مرتين .. الي حاز بخاطري اني متمالكة نفسي
    ولا اعصب ومسويه نفسي الرايقة وانا ودي اكسر المكان
    فوق رأسها .. وابتسم بوجها النحس هذا ..
    الي يسد الرزق .. الدنيا تخليك تجي على نفسك بس
    عشان تكمل طموحك وتوصل لهدفك !!
    لكن أخاف أنها تجبرني يوماً ما
    اطلع وجهي الثاني الي ابيع فيه الدنيا
    والي فيها وأخرب كل شيء ويصغر بعيني الكبير .



    avatar
    جوآآآآهر

    عدد المساهمات : 17012
    تاريخ التسجيل : 18/12/2013
    الموقع : الريآض

    رد: مُـجرد احاديث !

    مُساهمة  جوآآآآهر في الجمعة نوفمبر 10, 2017 2:21 am




    وصل الضيق لآخر حد
    يوم خميس تعيس سيء موحش
    مُر مافيه ذرة انتعاش ولا حلا !
    20/2/1439 كنت موجع جداً !!
    .. لطفك ورحمتك يالله .



    avatar
    متفهم

    عدد المساهمات : 21
    تاريخ التسجيل : 07/03/2014

    رد: مُـجرد احاديث !

    مُساهمة  متفهم في الإثنين نوفمبر 13, 2017 5:15 am

    جوآآآآهر كتب:


    وصل الضيق لآخر حد
    يوم خميس تعيس سيء موحش
    مُر مافيه ذرة انتعاش ولا حلا !
    20/2/1439 كنت موجع جداً !!
    .. لطفك ورحمتك يالله .




    الله ييسر لك امرك و يفرجها في وجهك.
    صفحتك جميلة جدا.
    avatar
    دوشي ayh

    عدد المساهمات : 1265
    تاريخ التسجيل : 22/05/2014
    الموقع : حارة ناعس المحشش

    رد: مُـجرد احاديث !

    مُساهمة  دوشي ayh في الإثنين نوفمبر 13, 2017 3:02 pm

    ااااااخ قلبي
    avatar
    جوآآآآهر

    عدد المساهمات : 17012
    تاريخ التسجيل : 18/12/2013
    الموقع : الريآض

    رد: مُـجرد احاديث !

    مُساهمة  جوآآآآهر في الخميس نوفمبر 23, 2017 2:32 am






    متفهم .. اهلاً زاد جمالها
    بحضورك امين يارب .

    دوش .. اهلاً نورت بعد
    الغيبة الطويلة !! سلامة قلبك .
    ......

    الجو جوى رذاذ المطر وريحة المطر
    تخليك تنتعش من الصباح وانا ادعي
    دعيت ربي يحقق لي كل امنياتي
    والله كل شيء دعيت فيه دعيت لكل
    الناس مابقيت احد .. ومُتيقنه ان ربي
    بيستجيب لي كل دعواتي
    ماودي انام من كثر الوناسه يوم
    جميل لكن الله يعيني على قومة الصباح
    والله هالايام مشغولة بقوة ما فيه وقت
    احس الأيام تمشي وكل شيء يصير بسرعة .




    avatar
    جوآآآآهر

    عدد المساهمات : 17012
    تاريخ التسجيل : 18/12/2013
    الموقع : الريآض

    رد: مُـجرد احاديث !

    مُساهمة  جوآآآآهر في السبت نوفمبر 25, 2017 6:10 am






    الناس كلها تتغير مبادئها سوى
    كان التغير إيجابي أو سلبي
    الا انا صامدة واقاوم بكل قوتي !!
    حالفة بالله وعده نفسي ما اتغير
    المشكلة كل شيء مُحبط لدرجة اني
    احس الدنيا تتحداني .



    avatar
    جوآآآآهر

    عدد المساهمات : 17012
    تاريخ التسجيل : 18/12/2013
    الموقع : الريآض

    رد: مُـجرد احاديث !

    مُساهمة  جوآآآآهر في الخميس نوفمبر 30, 2017 4:52 am











    مدري ليه انا احس اني
    ماقدر اطلع من جو الطفولة
    والذكريات .. نص يومي عبارة عن
    ذكريات الطفولة معني لسه صغيرة !!
    طفولتي راسخة بذاكرتي .. اتذكر كل شيء
    يخصها اتذكر المواقف كل شيء !
    دائماً اذا كنت بمجالس الحريم اتذكر
    من الي صارخت علي ومن الي اعطتني حلاوة
    واتذكر من الي ضربتني عشان بنتها
    واتذكر من ابتسمت بوجهي واتذكر من الي
    كانت تاخذ وتعطي معي بالكلام
    واتذكر مين الي كانت تعطيني نظرات مُخيفة
    اتذكر كل شيء الزين والشين .
    مدري كل الناس مثلي ولا بس انا ؟
    لكن الي اعرفه اني مستمتعه بذكريات طفولتي ☺️
    حتى مخاوف الطفولة اتذكرها فيها
    الي تغلبت عليها وفيه الي باقي اخاف منها .
    راحت بعض من طفولتي !! لكن اساس
    طفولتي الي هو ابوي موجود عسى عيني ماتبكيه .







    avatar
    جوآآآآهر

    عدد المساهمات : 17012
    تاريخ التسجيل : 18/12/2013
    الموقع : الريآض

    رد: مُـجرد احاديث !

    مُساهمة  جوآآآآهر في السبت ديسمبر 09, 2017 6:15 am







    ما اخاف من شيء وماتعودت اخاف
    لكن انا الان مو خايفة لا ميته خوف
    ودي اضرب نفسي .. لهدرجة تمكن مني
    الغباء الفادح يعني مدري وش الفايدة من الي
    سويته الا الخوف .. عاد خلقه الجو ثلج
    مايصير اخاف بهذا الجو البارد
    اعوذ بالله من الشيطان الرجيم .










    avatar
    جوآآآآهر

    عدد المساهمات : 17012
    تاريخ التسجيل : 18/12/2013
    الموقع : الريآض

    رد: مُـجرد احاديث !

    مُساهمة  جوآآآآهر في الجمعة ديسمبر 15, 2017 6:45 am






    الى الان اذا سيارة اخواني مرت من
    عند الملاهي قلبي يرقص واقول ليت
    نوقف عندها .. طبعاً بيني وبين نفسي !!
    انا انسانه أعشق الالعاب الكهربائية واقاوم
    الخوف والمرتفعات لمجرد اني العب فيها
    واضحك من قلب مع شوية مغص وبرد بالاطراف
    لكن في سبيل الوناسه والمغامرة كل شيء يهون
    والله عيب وحرام لي سنه مارحت وش ذا ؟؟
    صح اني اهلكت وحلّلت العابهم وحفظتها
    بس كل مارحت ولعبت احس كأني
    اول مره اجرب العبه !
    مفروض يسون لي خصم واذا جيت
    يقدموني مايتركوني انتظر .. لكن من يفهم
    بالسنع ؟ مايقهرني الا الي تشغل العبة اخلاقها
    زفت ونفسيتها بخشمها ! تقطع الرزق.
    والي يعكر مزاجي لما اشوف عيال أعمارهم
    من 14الى16يدخلون قلة أدب والله لا حياء ولا احساس
    عايش جو الطفولة وهو كبر البعير ينرفزوني !
    وتجيني جلطة اذا احد منهم قال جنبك احد
    ودي اقول جنبي شياطين الجن والانس اذلف عني .
    بس اسكت اخاف من الي تشغل العبه تنفس علي Basketball
    لكن والله انهم أهون من البنت اذا جلست جنبي وقبل لاتبدأ
    العبه تتجهز لصراخ على اساس انها كيوت !
    احلى ناس الي بكل لعبه يكونون وراي نوزع ابتسامات
    على بعض مدري وش نحس فيه ؟
    اخس نوع الي بنص العبه تقول وقفوا بستفرغ !!!!!!
    تركب نحاسه بس عشان تخرب الجو .

    جميع أبواب الملاهي تنفتح ...
    لي بعد كم يوم بسجل اقوى دخول !
    بلعب حتى بحقت الاطفال الي تجيب النوم .. وانا الي ؟
    بسكر باب الملاهي عشان اتطمن على الالعاب .




      الوقت/التاريخ الآن هو الأحد ديسمبر 17, 2017 6:21 am