Under The Moon ( رواية تومبوي )

    شاطر
    avatar
    MOR.

    عدد المساهمات : 1510
    تاريخ التسجيل : 25/01/2015
    العمر : 18
    الموقع : انا اخر شخص تفكر تمشيه على مزاجك،عُلم؟

    رد: Under The Moon ( رواية تومبوي )

    مُساهمة  MOR. في الأربعاء يناير 28, 2015 8:11 pm

    لالالالالالالالالالالالالالالالالالالالالالالالالا
    كمممممل اهئ اهئ
    م يصير تحمست ولا حتى نمت و لو ابي انام افكر بشنو بيصير بعدها وارجع افتح الللاب واكمل قراءة

    كمل Sad Crying or Very sad شنو بيييصير ههففففففففففف

    الروااايهة تجننننن تجنننن تجنننن وعشقت بصراحهة كن ي ربي شكله خوقاقي من اسلوبه ووصفه سلم لي عليه وقول تراني خاقهة عليه بالروايهة هووووع

    امممم كممممل
    avatar
    KenZ

    عدد المساهمات : 47
    تاريخ التسجيل : 22/11/2014

    رد: Under The Moon ( رواية تومبوي )

    مُساهمة  KenZ في الخميس يناير 29, 2015 4:39 am

    كن ما كان حاس بنفسه .. كان كأنه للحين غرقان وما يسمع شي وصداع إلي براسه يزيد وايد .. لما وصلو المستشفى كان مو قادر يوقف .. فوقف له النرس معاه كرسي متحرك ..
    كن رفض بقوة يقعد على الكرسي وتحجج أنه يقدر يمشي .. 
    على الرغم انه ركس وروي حاولو يقنعونه لكن كن يكره الكرسي المتحرك بشكل مو طبيعي .. كان دايما يدز أمه فيه لما صارت مريضة وامه ماتت على الكرسي بالنهاية فكل ما شافه يكتئب 
    مسك روي من ايده وركس من كتفه ومشى بصعوبة بعدها ركس تملل وشال كن بأيده ركض فيه عند الدكتور 
    طبعا حراراته كانت حيل مرتفعة وكن أذنه حيل حساسة فأي ضغط وحرارة يدوخ ويصدع بسرعة وعادي جدا يغمى عليه 
    وبعد فترة حطوله درب مغذي و ابر تخفيض حرارة طلعو من المستشفى وأصر كن يكون بالشاليه معاهم على الرغم انهم كانو بيردونه البيت بس قال لهم أنه راح يكون لحاله بالبيت
    رجعو وصعد فوق لبس شي ثقيل ونزل تحت قعد بالصالة متغطي ..
    ميش: يا عمري يا كن .. عينك حمر وويهك ذابل 
    ضحك كن وقال ببحة: زرعة أنا ؟
    روي ما علق وﻻ تكلم مع كن بس كان بشكل مبسط اخذ هذا .. عطني أشوف .. دير بالك
    كان باين عليه مرتبك .. وخايف بس يحاول ما يبين هالشي ..
    طلع مع ركس ايبون شوربة دافية حق كن .. وكن كان منسدح يطالع تيفي 
    شاف زوز يمر من الصالة يطالعه وبسرعة دخل المطبخ
    تعجب شوي ويتله الضحكة عليه شلون دخل كأنه حرامي والغريب من الموضوع لما دخلو الشاليه كان يطالعه من بعيد بدون ما يعلق ..
    حط كن الرموت ودخل المطبخ وراه ..
    كان يحاول يفتح بطل بيبسي زجاج .. لما شاف كن يدخل طالعه وصد على طول 
    استغرب كن .. شقصته هذا 
    عموما .. كح بدون قصد قبل لا يتكلم : زوز thanks 
    تأفف زوز لما اسمعه .. فجأة حمق كن وقام يتحلطم يبي يطلع من المطبخ
    مسكه زوز من ايده وهز كتفه : انت خبل !!!! دامك دايخ وتعبان شحقة تركب فوق !!! حمار تستهبل
    كن تفاجء وقعد يخز فيه ما قدر يستوعب شفيه بس حسه منفعل ومعصب : ok ok ok im sorry 
    مسكه حيل وضمه وكن متعجب شفيه هذا
    بعده عنه : خبل انت شفيك ؟
    دخل روي ومعاه الأكل والشوربة وشاف كن و زوز وما علق كان بس يطالعم طلع شوكة وقفشة وسحب كن : يﻻ حبيبي 
    وقعده مكانه وعطاه الأكل وقعد كن يطالع روي ..
    كن : روي .. روي ... !!
    روي طلع كن بعد ما ناداه ثاني مرة 
    كن:انت معصب علي؟
    روي طالعه وسكت 
    كن سكت بعد 
    روي : تدري لو صار فيك شي أموت أنا؟؟
    avatar
    KenZ

    عدد المساهمات : 47
    تاريخ التسجيل : 22/11/2014

    رد: Under The Moon ( رواية تومبوي )

    مُساهمة  KenZ في الخميس يناير 29, 2015 4:41 am



    كن قعد يطالع بروي شوي .. كان معصب بس بنفس الوقت تعبان خدران باين عليه أن كان يفكر وايد لدرجة أن خدر .. عينه حمره حيل وحزينة .. كن كان يفكر بنفسه وﻻ مرة جرب هالإحساس أنه شخص يخاف عليه .. كان دايما لما يطيح بمشكلة أو يتعب يحاول يقوي نفسه و يطلع منها بروحه وﻻ يعلم أحد لأنه أمه وايد تخاف .. واهو ما يبي يخليها تخاف .. لما سوو حادث آخر مرة في كاليفورنيا بلغ ربعه بسرعة يتصلون على امه يقولون لها بيبات عندهم واهوا اليوم إلي بعده بيدخل العمليات .. ما جرب هالإحساس ... على الرغم أنه ما يبي يخلي روي يتعب بس حس بالأمان ..
    مسك ويه روي بيده وكان ويه روي بارد حيل .. دز شعره ورا اذونه 
    كن :damn you roy .. your pulling me in so fast my head start spining 
    ( قاعد تسحبني لك بسرعة قوية أحس راسي يلف ) 
    روي ابتسم وباس ايد كن وكمل : لولا زوز ..
    كن سكت وطالع روي .. ولمه بقوة مثل ما يحضن ياهل 
    بعدها بشوي نامو على القنفة واهم يطالعون تلفزيون ومر الوقت لي باجر الصبح 
    كان ركس والشباب مزهبين الريوق .. كن تفطر عادي وكان أحسن من امس يضحك ويتحرك ويسولف .. 
    غﻻ بعد إلي صار راحت بيتهم وكانت حدها مكتأبه على كلامهم 
    روي كان يحط حق كن بصحنه ويقعده على الكرسي شوي ويوكله وكن مو عاجبة الوضع لانه يحب يعتمد على نفسه وايد .. 
    رن تلفون كن .. لما شاف الرقم ابتسم وبين عليه انه حيل مستانس .. على طول شال السماعة ورد على التلفون واهوا يتحرك يبي يطلع بره الشاليه ... 
    بس قبل ﻻ يطلع تجمد من مكانه ... إلي يتكلم بالسماعة كان يقوله أنه أخوه بالعناية المركزة وطلب منه ندق على آخر رقم قبل ﻻ يدخل ...
    كن حس راسه يفتر أكثر من مرة 
    هد التلفون وطاح على الأرض ..
    حس قلبه معتصر .. روي حس انه وضعه مو طبيعي مثل الباجي .. كلهم سكتو وطالعوه
    قرب منه ومسكه ..
    كن: روي ... ما أقدر أتنفس .. !!
    كن كان فعﻻ حاس انه مو قادر يسحب هوا وقلبه حيل يعوره جسمه كله تفكك ..
    جراح أخوه بالعناية المركزة وإلي حاول يفهمه من الي كلمه أنه سوه حادث وحالته حرجه جدا
    شريط حياته بدا يمر بعقله .. سوالفهم وضحكهم وويه جراح واهو يبتسم ويلعب بشعره ..
    وشلون قبل جم ساعة دازله مسج يقول أنا مشتاق لج وايد
    avatar
    KenZ

    عدد المساهمات : 47
    تاريخ التسجيل : 22/11/2014

    رد: Under The Moon ( رواية تومبوي )

    مُساهمة  KenZ في الخميس يناير 29, 2015 4:42 am

    الشعور إلي يربطك بشخص أنت حاطة في قلبك وقافل عليه باب حديد ما يطلع من قلبك مهما كان أو مهما سوى .. هذا رابط الأخوة إلي كن كان مؤمن فيه 
    جراح كان وﻻ يزال شي كبير بقلب كن .. كان الأمان والبيت إلي يحس كن بالاستقرار 
    رغم أن عﻻقته مع خواله كانت جيدة بس كن كان يعتبر جراح أهله كلهم الحين .. لأنه ببساطة أخوه 
    كان بالسيارة ركس ويمه قاعد كن يطالع الشارع والسيارة إلي تتحرك بسرعة على الأرض وعقله سرحان بجراح
    كل شي بجراح كان يعشقه .. ابتسامته .. حس الطفولة إلي فيه .. صوته المبحوح لما يغني 
    مر الوقت بسرعة لما وصلو المستشفى حوادث الطوارئ والواضح ان جراح كان توه واصل الكويت
    كن دخل بسرعة المساشفى ومثل المينون يدور بس ما يدري شلون يتصرف..
    انتبه على روي إلي مسكه وشده لي عنده واهو يطالعه بجدية ويحاول يثبت قلبه اهدا .. اهدا
    كن يطالع بروي ووده يقوله أنه فاهم شنو يقول بس مو فاهم شلون يهدا ..
    ركس سأل الرسبشن ودلوه على قسم العناية وعلى اي غرفة 
    طارو لي عندهم 
    ودخل كن بسرعة وفهم الطبيب انه جراح أخوه..
    الطبيب تنهد وطالع بعين كن بجدية خلت كن يدور بعين الطبيب عن إجابة ..
    لما بالنهاية نطق الطبيب وقال : أنا آسف سوينا إلي قدرنا عليه لكن .. 
    كن كان يرجف بمكانه .. عينه امتلت دموع واهوا يحاول يثبت ريله بالأرض .. عاند ضعفه وثبت لكن عينه فضحت كل ذرة ألم كانت تملي قلبه
    روي كان وراه وسمع وانصدم وحاول يضم كن له لكن كن وخره بقوة واهو للحين يطالع الطبيب بانفعال
    سمع صوت احد ينادي .. كرستين !
    كان هذا صوت عمة كرستين إلي يت قبلهم والتفت وراه الكل كان لابس عبي ويبجي بحزن وألم وحيرة ..
    كن أصر على انه يدخل ويشوف أخوه لو شنو كان

    avatar
    KenZ

    عدد المساهمات : 47
    تاريخ التسجيل : 22/11/2014

    رد: Under The Moon ( رواية تومبوي )

    مُساهمة  KenZ في الخميس يناير 29, 2015 4:43 am



    دخل كن الغرفة وكانت فاضية حتى خال جراح إلى فيها كلن يقرا قرآن وحب يطلع لما شاف كرستين تدخل ومصمم تشوفه
    لما صكر الباب اختفت الضجة برا وصار هدوء غريب ...
    ولسبب صارت الغرفة باردة .. باردة حيل خلت كن يرجف مع كل خطوة حق جراح ..
    كن مسك ايد جراح وكانت باردة وايد .. انقشع قلبة وطلع آه من غير قصد ..
    دموعه بدت تصب على خده واهو يحاول يمسحها .. 
    مسك ايده بقوة وبطل الغطى إلي عليه عشان يشوف ويهه المنور 
    مسح على شعره بيده .. جراح كان جدا وسيم كل تفاصيله كانت حاده قوية رغم نعومة تفاصيلها .. كل شي يدل على أنه شخصية قوية .. وببساطة ما يهزه ريح ..
    كن تذكر كﻻم الناس لما كان جراح معاه بلوس انجلوس .. الكل كان يسأل جراح إذا كان شخصية معروفة .. أو مشهور أو شي 
    لأنه كان واثق من نفسه من وقفته وكلامه رغم المرح اللذيذ إلي يتمتع فيه
    كن مو راضي يقتنع أنه جراح راح خﻻص .. عمره ما راح يشوف هالويه يبتسم مرة ثانية ..
    ما قدر يتكلم ويفضفض عن إلي بقلبه .. قعد يطالع فيه مدة طويلة ..
    بدون ما يتحرك
    بعدها باسة على راسه بوسة قوية واهوا يمسح على شعره..
    طلع من الغرفة بهدوء ولما رفع راسه شاف أبوه جدامه عند الباب والدموع بعينه يناظر كرستين بضيقة وأسى ..
    كن كان هذا آخر شي شافه ويه أبو الحزين قبل لل تظلم الدنيا بعينه ..
    إلي اعرفه بعدين أن حاشه انهيار عصبي حاد الافكار تضاربت براسه بشكل سريع لما فقد وعيه وابوه اهو إلي مسكه قبل لا يطيح على الأرض ..
    وتم فترة في حالة جدا حرجة .. تغيب عن المدرسة مدة طويلة حيل
    وكان ما يرد على أحد .. حتى روي ما كان يرد عليه أو يشوفه أو يكلمه
    كن مو من النوع إلي يحب يشارك الناس بضعفه .. كان يحب يختلي بنفسه فهو يكره أحد يشوفه مكسور .. 
    روي كان دوم يحاول يتصل فيه ويكلمه أو يزوره بالبيت لكنه كان يرفض يشوف أحد
    avatar
    KenZ

    عدد المساهمات : 47
    تاريخ التسجيل : 22/11/2014

    رد: Under The Moon ( رواية تومبوي )

    مُساهمة  KenZ في الخميس يناير 29, 2015 4:44 am

    مر شهر على وفاة جراح وكن كان حابس نفسه بالغرفة ..
    ما كان ناوي حتى ياكل .. 
    كان بس يقرا او يشوف تلفون أو يطمش على المسجات إلي توصله ..
    وإلي كلها تسأل عنه أو تعزيه او او او .. حتى المسجات من أهل امه ما كان يرد عليها ..
    حس بتأنيب الضمير ﻷنه ما كان يرد على روي رغم أنه يدري أنه يحاتيه وايد .. بس ما كان يحب يشوف هذيج النظرة بعين روي نظرة الضايع الحزين إلي ما يعرف شيسوي ..
    فقرر يرد عليه لما موضوع وفاة أخوه يصير موضوع يقدر يسولف عنه ويعبر عنه من دون ما يتحطم ..
    انتبه على أيميل بفونه من شخص غريب ما يعرفه وكان مرفوق بفيديو .. 
    استغرب كن .. غالبا ما يعطي ايميله حق أحد لأنه يحب يحتفظ بخصوصيته ومحد يدز له أشياء من غير معنى
    فتح الايميل ونزل الفيديو ولما شغله كان فيديو ملخبط .. بس استوعب انه بارتي وناس يرقصون ولوية وحوسه
    وظل يطالع الفيديو واهو فاهي .. لما انتبه لروي بالفيديو وكان يرقص مع وحدة ﻻبسة فستان أحمر ضيق مفتوح بالأجناب .. يرقص ويبتسم ويحرك ايده .. كن تفاجئ لما شافه بس تفاجأ أكثر لما شاف البنت تبوس روي .. وروي يرد يبوسها .. 
    تنهد كن بانزعاج .. وصك الفيديو ..
    انسدح على السرير وظل يفكر شوي واهو حيل متضايق ..
    رد بطل الفيديو وحاول يركز أكثر عليه .. الفيديو مرسول من كاميرا لأنه التاريخ مال أول أمس انغرض على الشاشة قبل الفيديو ومحد يقدر يلعب بالتاريخ ..
    سمع الخدامة تطق الباب بفقدان أمل كأنها تدري أنه كن راح يقولها no 
    سمعها تقول : someone named zoz want to see you 
    كن رد عليها : coming
    avatar
    KenZ

    عدد المساهمات : 47
    تاريخ التسجيل : 22/11/2014

    رد: Under The Moon ( رواية تومبوي )

    مُساهمة  KenZ في الخميس يناير 29, 2015 4:45 am



    المهم كن سبح وبدل ولبس وطلع واهو شعره ماي ونزل السلم وشاف زوز بالصالة ينطره ..
    زوز أول ما شاف كن ينزل توتر ووقف بمكانه يناظره
    كن كان وضعه طبيعي حيل ..
    نزل كمل السلم ووقف عند المرايا إلي عند الصالة .. ضبط شكله واهو يسحب مفتاح سيارة بميداليه برتقالية ..
    ويحطها بجيبه..
    زوز كان يطالع في مستغرب ...
    كن : بطلع بسوي جم شغلة تيي معاي؟
    زوز بسرعة هز راسه مستغرب ..
    كن مشى وخلا زوز يلحقة للقراج إلي بره .. 
    زوز يتلفت : وين السايق 
    كن واهوا يضغط على المفتاح وتطلع السيارةصوت فتح القفل : ما يحتاج إحنا بنروح ..
    زوز تفاجئ لكن كان من زمان يتصل على كن ويحاول يتطمن عليه بس مثله مثل غيره كان يحقره بس هالمرة رد عليه ما يبي يضيع هالفرصة ..
    فهز راسه بهدوء .. 
    كن: لا تخاف صج ما عندي ليسن بس أعرف أسوق .. تمنى بس ما يصير تفتيش
    قرب كن يم سيارة فيراري حمرا .. تلمس جامها بايده .. نظيفة .. جراح يهتم بنظافتها
    فتح بابها وقبل لا يقعد بالمقعد شاف علبه كاكاو إلي يحب ياكله جراح دوم .. تبسم بضيقة واهو يبعدها ..
    لما قعد بالسيارة حس أن روح جراح فيها .. ريحة عطرة للحين ﻻزق بالسيارة .. للتويه بس الحادث ما صار بسيارة جراح 
    عموما حرك كن السيارة واهو حيل واثق وراح قص شعره لانه طال حيل وشرا شغﻻت من السوق 
    وطول الفترة كان كﻻم كن و زوز سطحي حيل يناسب الموقف نفسه ..
    وردو البيت وطلب كن عشا بيتزا كلو وطالعو فلم وزوز حيل مخترع من ردود كن رغم انها طبيعية لكنها حادة وجازمة واضح جدا أنه معصب ..

    avatar
    KenZ

    عدد المساهمات : 47
    تاريخ التسجيل : 22/11/2014

    رد: Under The Moon ( رواية تومبوي )

    مُساهمة  KenZ في الخميس يناير 29, 2015 4:47 am



    صار اليوم إلي بعده كن داوم رغم انه محد يدري ..
    دخل متأخر للإدارة وطلب يكلم المديرة 
    والمديرة رحبت فيه وفهمته انه أبوه يابله عذر طبي من المستشفى وانه وضعه ما كان يسمح له يداوم
    بس ﻻزم يدرس بروحه لأنه بقا اسبوع على الامتحانات وإذا شاف شي صعب يعلم الأبلات ..
     كانت الشلة في مكانهم المعتاد ، يضحكون ويتغشمرون بين كل حصة روي كان سرحان .. عقله للأسف بهليوم مو معاه ، ربعه بالبداية عبالهم يحاتي الامتحان ... لكن ما كان هذا الي شاغل راسه 
    سمع روي أصوات البنات يتهامسون ويأشرون صوبه ، ما كان الموضوع غريب ، بس الغريب أنهم كانو يتناقزون بنفس الوقت .. وخر ربعه شوي عنه لما طلع بويهه كن قرب كن يم روي وعطاه من النظرة الي دايم ما تخلي روي يذوب .. بس كان يخفي هالشي قرب منه أكثر وقاله بثقة هزت روي هز " إلي بينا انتهى " 
    التفت ومشى وﻻ عبر روي وﻻ حطله أي أهمية 
    حركته هاذي خلت روي يغلي يغلي ولأول مرة حس نفسه ما يقدر يتحكم بأعصابه .. ما يدري شالسبب إلي خلاه متوتر .. هل لأنه كن هز كرامته لأنه ما عمر أحد نهى عﻻقة معاه .. اهوا دايم يلعب وينهي ويسوي إلي براسه ويردون له شوي ويبوسون ريله
    او لأنه كن راح من ايده 
    شي فيه هزه وخﻻه يتحرك ويلحق كن ويمسكه ويسحب ايده بقوه ويلفه ...
    توتر ما كان يدري بعد ما مسكه شنو بيقوله .. قرر أن يدوس على قلبه شوي ويحتفظ بسمعته .. قاله بعجرفة : منو أنت عشان تنهي عﻻقتك معاي ؟؟
    وخر كن ايده بقوة وقرب من ويه روي وقاله بثقة قبل ما يمشي وﻻ يلف وراه : اسأل نفسك أنا منو ..
    تجمد روي مكانه واهوا يشوف كن يلبس قبعته الي بجكيته ويبتعد ..
    كن كان شي كبير بحياته وﻻ يزال .. الإنسان الوحيد إلي قدر يهز قلبه بشكله و بعينه الحادة وشخصيته إلي ما في منها 
    خسر كن؟ .. كن إلي كلمه مو كن إلي يعرفه الطفولي المزاجي الي يحب الضحك واللعب
    هل كان المفروض ما يخلي غﻻ تلعب براسه و تغسل مخه 
    حس بتأنيب الضمير .. إلي سواه غلط .. بس كالعادة روي ما يحب يعترف لا حق نفسخ وخصوصا حق كن ! 
    شنو راح يسوي الحين؟ وشنو راح تكون عﻻقتهم مع بعض الحين؟


    avatar
    KenZ

    عدد المساهمات : 47
    تاريخ التسجيل : 22/11/2014

    رد: Under The Moon ( رواية تومبوي )

    مُساهمة  KenZ في الخميس يناير 29, 2015 4:59 am



    حس روي كأنه الشريط انعاد وكأنه مر بمثل هالتجربة من قبل ..
    بس هالمرة قلبه يعوره أكثر .. ما يدري هل لأنه إلي سواه غلط؟ لكن حتى آخر مرة كان غلطان .. استوعب روي أنه السبب مو بس جذي
    السبب أنه تعلق بكن أكثر وأكثر .. وصار من الشخص إلي حبه إلى حب حياته وسعادته .. وممكن بشكل كبير انه ما يقدر يعيش وﻻ يتنفس من غير هالشخص ..
    ليش دايما طبعه عنيد و متكبر .. ليش دايم يرفس الأشياء إلي يحبها بعيد لين تختفي ؟؟
    حس نفسه انفعل فجأة مسك راسه بيده الثنيتن وبعدها قام يطق الطوفة إلي يمه بكسات عورت ايده وجرحتها وممكن سببتله رضة
    لدرجة خلى ميش يقوم من مكانه بعد ما كان يطالع شنو صار من بعيد داري انه كن ماراح يسكت عن حقه فقرر ما يتدخل
    قرب ميش من روي وحاول يمنعه
    بس روي دز ميش وصرخ : وخر عني !
    انتبه انه فقد اعصابه وسكت مصدوم من نفسه .. تنفس وقرر انه خﻻص .. يتأقلم مع إلي صار .. عﻻقته بكن خﻻص ..
    كن من صوب ثاني مشى بسرعة يخطر البنات وقبل ﻻ يوصل الحمام مسكه زوز بس كن وخره عنه بقوة انصدم من قوتها زوز
    كن: وخر عني انت الثاني
    وراح الحمام وفتح المغسلة بسرعة وقعد يرش على ويه ماي بارد ويتنهد .. 
    ما يدري شنو يحس فيه .. ما يدري ليش اهو مقموت والدنيا تفتر فيه .. عشان جراح؟ عشان روي؟ 
    انزلق بالارض واهو منزل راسه وساكت 
    تعب حيل .. حس نفسه مقموت .. 
    دخل ميش وصكر الباب .. قرب من كن و قعد يمه بالأرض
    وظل يطالعه .. كن شافة من أول ما دخل وهمل يطالعة 
    لما قعد ميش على الأرض كن حط راسة بحضن ميش 
    كن : ميش .. أنا تعبان ..



    avatar
    KenZ

    عدد المساهمات : 47
    تاريخ التسجيل : 22/11/2014

    رد: Under The Moon ( رواية تومبوي )

    مُساهمة  KenZ في الخميس يناير 29, 2015 5:01 am

    مر الوقت على هالحالة .. كن يتحاشى روي و روي يتحاشى كن .. ولا كأنهم موجودين ..
    ويحاولون قدر الإمكان ما يتواجدون بنفس المكان ..
    زوز رغم شخصيته العكرة حس انه كن صاير جاف مع الكل .. مو مثل طبعة .. ما قام يعصب مثب قبل وﻻ صار له خلق يهزأ زوز كالعادة .. فدرى أنهم انفصلو 
    اليوم كان عيد ميلاد فاطمة فالطرفين بالعراك مدعويين والمقصود منهم بالزاوية الحمرا كن والزاوية الزرقا روي .. شبهتهم بمعركة المصارعة لانه حالهم الحين بالضبط مثب مصراعة حرة والنتيجة مجهولة ..
    كن كان يومها كاشخ حيل .. 
    لابس بنطلون أبيض سكني .. معاه تيشرت أبيض وفست بغولة هم أبيض وقفازات ذهبية مطلعين أصابعة وبوت أبيض قصير 
    ومبعثر شعره نص واقف ونصه طايح وحاط كحل اسود حولين عينه مخلي نظرته تخرع أكثر كأنه قطوة ..
    وداخل الحفلة واهو يسلم على هذا ويضم هذاك .. يسولف مع فﻻن وعﻻن ولا همه شي ..
    روي كان يطالعه من بعيد ولو أنه كان حالف ما يطالعه .. بس ما قدر .. كن وبهشكل محد يقدر ما يطالعه وخصوصا لما يسوي الحركات إلي يتعمد يسويها .. 
    يطالع ويركز بعينه ويبتسم بثقة ويلعب مع الناس بدلع صبياني يفتن ..
    كن متعمد يسوي كل هذا .. شي في نفسه يقوله كل هذا عشان يقهر روي ... بس جهة ثانية يحاول يقنع نفسه أنه لا ماله دخل ..
    لما وصل كن عند روي طالع فيه بحدة وخطرة ولا كأنه كان .. أما روي كان يشرب بيبسي وما قدر ينزل عينه من على كن .. 
    روي في ذاك اليوم هم كاشخ على الآخر .. كان ﻻبس بدلة رسمية بس فنكي لونها أبيض وقميص كحلي مبطل ازرارته مع قﻻدة فضية كبيرة وجوتي كلاسيك أسود .. ومودي شعره كله على صوب .. وطايح على عينه 
    كأنهم يتعمدون يطلعون بأحسن طله...
    كن سلم على فاطمة وباسها على خدها .. تفاجئت فاطمة لأنه أول مرة يسويها وضحكت واهو يعطيها الهدية .. وسمع اغنية يحبها وقعد يحرك نفسه عليها .. يت بنت من البارتي ما يعرفها جرته من ايده لي قاعة الرقص وقعدت ترقص معاه وهي تضحك 
    البنت:أحب هالاغنية !!
    كن ضحك واهوا يودي راسه لي ورا .. 
    وقعدو يرقصون مدة طويلة واغنية تجر اغنية لما قربت البنت يم كن وقعدت تلزق فيه .. كن كان عادي طبيعي واهو يرقص وعليه ابتسامة شقاوة للبنت وكأنه يقولي يدري شنو في راسها .. 
    سحبت البنت كن من بنطلونه لي عندها وشفته بقوة ..
    كن كان متوقع بعد ايده بالأول لأن كانت المبادرة القوية لكن مسرع ما مسك راسها وشفها اهو الثاني بنفس القوة ..
    وقفو رقص واهم يشفون بعض ..
    روي كان يطالعه طول الوقت .. انفعل حيل وعصب رمى الكوب على الأرض وتكسر ونزل للقاعة وسحب كن من يده 
    وكان متوقع أنه كن راح يعترض ويهده ينفس القوة .. كن بالنسبة لي مو هين عن الف رجال ..
    مسك ايده الثنتين وشاله من طولة وطلعة بره القاعة لي غرفة بالطابق السفلي متجاهل السب و اللعن إلي كن كان يقوله


    avatar
    KenZ

    عدد المساهمات : 47
    تاريخ التسجيل : 22/11/2014

    رد: Under The Moon ( رواية تومبوي )

    مُساهمة  KenZ في الخميس يناير 29, 2015 5:03 am

    أول ما نزل روي كن على الأرض .. كن قعد يدز روي بقوة من كتفه ..
    كن: what the fuck!!!!!! حمار أنت حمار؟؟ شتبي 
    روي: أنت شتسوي؟؟؟
    كن: أسوي إلي أسوي أنت شكو؟؟؟
    روي: شنو أنا شكو؟؟
    كن:مالك شغل فيني .. وخر طس ..
    روي مسك كن بقوة ايده .. : شنو مالي شغل فيك الا لي شغل فيك ..
    كن: نسيت شنو قلت لك .. عﻻقتنا ا ن ت ه ت .. its fucking over get over it !!
    روي : ليش قاعد تسوي فيني جذي كن ليش؟؟
    كن رفع حاجبه مستنكر وانفعل واهو يجاوب بصراخ : ليش؟؟ ليش انا أسوي فيك جذي؟؟؟ 
    صرخ اعلى وهوا يدزه ويمر منه يمه : وخر زين ماني فاضي لك!!!!
    روي انفعل أكثر ومسك كن وسحبه ودزه بالسرير وركبه ..
    كن تفاجئ لكنه سكت واهو يحاول يهدي نفسه ويشوف روي إلي عافت ايده الثنتين تحت ظهره وقاعد فوقه عشان لا يتحرك .. 
    كن بهدوء: شالمطلوب الحين؟
    روي نزل راسه يم شفة كن وهمس وانفاسه تتلاحق من الأعصاب: أنت لي .. وعمرك ماراح تكون لغيري .. 
    وباسه بقوة .. وخر لما شاف الانزعاج والضيق والألم بويه كن .. كأنه أحد قاعد يطعن قلبه .. رغم انها ما كانت قرف كانت رغبة فيه بس رغبة مقطوعة حزينة
    دور إجابه بعيون كن .. بس لسان كن سبقها 
    كن: تدري شنو قاعد أذوق الحين؟ أذوق طعم عسل مر ..
    روي تجمد .. وظل يطالع ويه كان إلي كله ضيقة وحسرة .. وعينه مليانه دموع بس مو راضية تنزل من كبرياءه إلي فيه ..
    تنهد بقوة .. وغمض عينه واهو يعض شفاته .. كن فعﻻ حب حياته .. اهو مو ملكية و ﻻ اجار متى ما توفر في بديل .. اهو شي ﻻزم يحفظه بقلبه ..
    انزلق ونام على صدر كن بتعب .. واهو يهمس بصوت مبحوح وعلى عينه دمعه : أنا آسف .. كن أنا آسف 
    كن تنهد ورد عليه بنفس الصوت المبحوح: ادري بس مو كل مرة بتقول أنا آسف بسامحك .. انت خليتني أضيع ثقتي فيك .. مو قادر أوثق فيك .. ما أقدر ..
    روي : أدري .. أدري 
    روي ضم كن بقوة وكأنه يرفض يهده .. كأنه يقوله راح أوصلك مرة ثانية وراح أخليك تلقى هالثقة إلي ضيعتها ..
    قعدو جذي مدة بسيطة لما بكى كن فجأة كأنه طفل مضيع أمه .. بكل جوارحه .. انفجع روي ورفع راسه يطالعه .. خاف انه عوره أو شي .. بس كن كان يبكي بحرقة .. حرقة قوية .. 
    ويإن بألم أكثر وأكثر ويغطي ويهه بأيده ..
    روي شده وضمه بقوة واهو يهديه .. فهم أنه هذا شي كابته وما طلعه من فترة وأغلب الظن له عﻻقة بأخوه ..



    avatar
    MOR.

    عدد المساهمات : 1510
    تاريخ التسجيل : 25/01/2015
    العمر : 18
    الموقع : انا اخر شخص تفكر تمشيه على مزاجك،عُلم؟

    رد: Under The Moon ( رواية تومبوي )

    مُساهمة  MOR. في الخميس يناير 29, 2015 5:13 am

    ووااااو روعهةةةة كمممممل
    avatar
    نود الحضرمي

    عدد المساهمات : 9878
    تاريخ التسجيل : 09/08/2014
    الموقع : لايعجبني أحد مغرم بذاتي.

    رد: Under The Moon ( رواية تومبوي )

    مُساهمة  نود الحضرمي في الخميس يناير 29, 2015 5:26 am

    فيس يبكي


    تجننننننن

    حبيت كن

    نتتتضركككك ♡
    avatar
    meemtk

    عدد المساهمات : 81
    تاريخ التسجيل : 08/12/2014
    العمر : 22
    الموقع : الرياض

    رد: Under The Moon ( رواية تومبوي )

    مُساهمة  meemtk في الخميس يناير 29, 2015 10:32 am

    جمييله جمييله مراا جمييله كمل نحن معك قلباا وقالباا ^^
    avatar
    MOR.

    عدد المساهمات : 1510
    تاريخ التسجيل : 25/01/2015
    العمر : 18
    الموقع : انا اخر شخص تفكر تمشيه على مزاجك،عُلم؟

    رد: Under The Moon ( رواية تومبوي )

    مُساهمة  MOR. في الخميس يناير 29, 2015 2:02 pm

    الرواعه روعه بمعنى الكلمه و جميييييييله الكتابات
    والقصة روععععه والشخصيات قلبي الصغير لايتحمل >> خاااققه

    كمممل كمممممل كمممل كمممل كممممل
    avatar
    Nothing

    عدد المساهمات : 9679
    تاريخ التسجيل : 23/05/2014
    العمر : 20
    الموقع : .......

    رد: Under The Moon ( رواية تومبوي )

    مُساهمة  Nothing في الخميس يناير 29, 2015 4:30 pm

    Sad Sad Sad Sad Sad Sad
    روعهه والله

    ننتظر التكمله .
    avatar
    reoo

    عدد المساهمات : 1375
    تاريخ التسجيل : 24/08/2014

    رد: Under The Moon ( رواية تومبوي )

    مُساهمة  reoo في الخميس يناير 29, 2015 4:49 pm

    وجع لي قلبي كن Crying or Very sad
    اول مره اكرهه روي جد غبي
    بارتات جميييله
    cheers
    avatar
    MOR.

    عدد المساهمات : 1510
    تاريخ التسجيل : 25/01/2015
    العمر : 18
    الموقع : انا اخر شخص تفكر تمشيه على مزاجك،عُلم؟

    رد: Under The Moon ( رواية تومبوي )

    مُساهمة  MOR. في الخميس يناير 29, 2015 11:39 pm

    كمممممممممملي
    avatar
    Shoi_

    عدد المساهمات : 150
    تاريخ التسجيل : 29/07/2014
    العمر : 18
    الموقع : Dammam

    رد: Under The Moon ( رواية تومبوي )

    مُساهمة  Shoi_ في الجمعة يناير 30, 2015 11:19 am

    _m.o_ كتب:الرواعه روعه بمعنى الكلمه و جميييييييله الكتابات
    والقصة روععععه والشخصيات قلبي الصغير لايتحمل >> خاااققه

    كمممل كمممممل كمممل كمممل كممممل
    avatar
    بيان.

    عدد المساهمات : 842
    تاريخ التسجيل : 26/11/2014

    رد: Under The Moon ( رواية تومبوي )

    مُساهمة  بيان. في الثلاثاء فبراير 03, 2015 12:11 am

    جوناااااااااااااااااااااااااااااااااااااان Sad


    ننتظرك لا تطول .
    avatar
    riro*_^

    عدد المساهمات : 30
    تاريخ التسجيل : 27/01/2015

    رد: Under The Moon ( رواية تومبوي )

    مُساهمة  riro*_^ في الثلاثاء فبراير 03, 2015 3:25 am

    حلوه كتير ننتظر التكمله،،،
    avatar
    MOR.

    عدد المساهمات : 1510
    تاريخ التسجيل : 25/01/2015
    العمر : 18
    الموقع : انا اخر شخص تفكر تمشيه على مزاجك،عُلم؟

    رد: Under The Moon ( رواية تومبوي )

    مُساهمة  MOR. في الأربعاء فبراير 04, 2015 2:35 am

    ترآآآ طولـــت ..!!!

    بكــذا رآآح يقــل متـآآبعين الروآآيــهة

    وبيروح الحـــمآآس pale
    avatar
    KenZ

    عدد المساهمات : 47
    تاريخ التسجيل : 22/11/2014

    رد: Under The Moon ( رواية تومبوي )

    مُساهمة  KenZ في السبت فبراير 07, 2015 4:34 pm



    كن حس بضمة روي وشلون كان مقصده انه يهديه ويحسسه بالحنان .. ارتجف ووخره واهو يزحف من تحت وطلع من على السرير واقف واهوا يأشر بيده وبقول : ﻻ ﻻ ﻻ ..
    سكت كن وعيونه للحين حمر من البكي وبعقله أفكار وايد بس كان يطالع روي كأنه يعاتبه ..
    كن: أنا مجرد إنسان .. أطيح أتعور أتألم ..! وماراح أتحمل تشيلني وتقطني بكل دقيقة وبكل ثانية كل ما حﻻ لك مزاجك 
    روي: أنا ما قطيتك، أنت ...
    كن: أنا كنت أحاول أرفع نفسي 
    روي: وليش ما خليتني أرفعك؟
    كن ببحة وباين انه شوي ويبكي: لأنك ما راح تفهم شكثر صعب انك ... - سكت يحاول يجمع صوته - 
    رفع كن راسة وكمل: يوم كان عمري 8 سنوات اشتركت بمسرحية بالمدرسة .. وعلى المسرح كنت أشوف الكل يتكلم و يسمع الحوارات إلي حافظها عن زهر قلب وكل ما وصل دوري أتوتر وأخاف .. لكني انتبهت على جراح قاعد بالسطرة الثالثة يطالعني ومبتسم .. كان واثق اني بسوي زين .. خذيت الثقة منه وسويت شي فوق الزين .. غي ذاك الوقت وفي مسرح الدنيا الزبالة جراح اهو مصدر الأمان بالنسبة لي ..
    كن بدا يبكي : ما أقدر أتخيل شلون راح أكمل حياتي من غيره 
    روي استوعب انه كن ما كان يعتبر جراح اخوه بس .. جراح بالنسبة لكن كل شي ..
    كن سكت .. مسح دموعه .. وبطل الباب يبي يطلع ..
    لما انتبه له روي فز على طول ولحقه .. بس كن طلع ومر بسرعة يم غﻻ إلي كانت عند الغرفة ..
    غﻻ تطالع كن يروح بعيد وكن ما انتبه لها ..
    مسكت غﻻ روي وصرخت : شنو كنت تسوي معاه؟؟؟؟
    كن التفت من صوت غﻻ العالي .. و روي انتبه ان كن سمعها وقعد يطالعه واهو ساكت ..
    روي : غﻻ وخري .. مو شغلج !!!
    غﻻ: شنو مو شغلي!!! انا لعبة بيدك 
    كن كان خﻻص بيروح لكنه استنكر ورفع حاجبه .. ورجع عندهم ..
    غﻻ شافت كن وسوت ما انتبهت 
    كن عطا روي بكس على بطنه .. خﻻ روي يتزحلق بالطوفه الي وراه ويقعد على الارض كان واضح انه يدري وين يضرب لأنه شبت النار في بطنه من قوتها ..
    كن: هذا لها .. مو لي ..
    مشى كن وخﻻ روي مكانه يطالع فيه واهو يمشي بسرعة ..
    وغﻻ انبلهت واهي حاطة ايدها بحلجها .. انفجعت بقوة ..
    كن من بعيد : و روي؟ - يعطيه الصبع الوسطي - 
    روي تفاجئ بس قعد بعدها يضحك بقوة ومن كل قلبه .. 
    روي: أحبه يا ناس !!-يصارخ عشان يسمعه من
    avatar
    KenZ

    عدد المساهمات : 47
    تاريخ التسجيل : 22/11/2014

    رد: Under The Moon ( رواية تومبوي )

    مُساهمة  KenZ في السبت فبراير 07, 2015 4:37 pm



    بعد كم يوم من هالسالفة
    وتحديدا في المدرسة 
    روي والبقية من الشلة قاعدين يطلعون كتبهم من الجنطة للحصة الثانية إلي الواضح أن كن نام وسحب عليها ﻷنه روي لمحه يدخل متأخل بسرعة واهو يطلع كتبه و يصكر جنطته بسرعة بسرعة عشان يلحق ..
    روي أول ما شافه فز وابتسم ولحقه على طول ..
    وقف وراه وصرخ بأعلى صوته : كن!!!!!
    كن انفجع وطيح كل شي من ايده وظل يطالع روي من صدم 
    بعدها مسك كتاب وحذفه على روي معصب :يا ابن ال...
    ومسك الكتاب الثاني وهم قطه على روي .. وروي يضحك واهو مغطي ويهه ويحاول يتحاشى أعصاب كن .. 
    خذا كن كتبه من الأرض بسرعة وأشر على روي وهدده 
    كن : عيدها وقسم أدفنك !
    لما التفت بيمشي .. 
    روي يصارخ : أحبك !!!!!! 
    روي اخترع والفت على روي يعطيه نظرة تهديد واهو يكمل مشيه ..
    مر كم يوم واهو على الحال يطارد كن و يتعزل فيه ويحطله رسايل حب وغرام وورد .. وكن يضحك بينه وبين نفسه على حركات روي الطفولية ..
    ميش يطالع كن واهوا يقرا كﻻم روي إلي كتبه على الأرض يمه جنطة كن ويبتسم ..
    ميش: ما تبي تسامحه؟
    كن:....
    ميش: متى بتسامحه
    كن ابتسم : لما يتأدب
    بعدها بفترة بسيطة عبود تذكرونه صح ؟ مسوي بارتي لعيد ميﻻده .. و أصر الكل يحضر والشلة طبعا حضرت عشان يشوفون ركس إلي كان طبعا راح يحضر ..
    تجهزو كلهم وكل من لبس وكشخ على الآخر .. كن كالعادة ببدله إلي مادري وين ايبها .. وروي بزقرته وبدلاته الراقية .. وميش يحب الكاجوول الياي عبى كﻻسك ومزته ﻻبسه وردي ناعم قصير .. فاطمة ماحضرت لأنهل مريضة .. وزوز كان موجود والكل حاضر ..
    البارتي كان في قصر كبير .. الثريات الي فيه معلقه من كل صوب .. والديكور كان جدا راقي ..
    سلمو عند الباب ودخلو وكل واحد يايب هدية حطتها بالطاولة الي عند الباب وعبود راعي الحفلة مختفي من دخلو ما شافوه ..
    وركس نفس الشي ضايعين مع الزحام ..
    زوز دخل بروحه مو مع الشلة وقعد يسلم ويسولف مع الي يعرفهم ..
    روي دخل مع موري واختلطو بالناس وكان يمهم على طول كن وميش وريم الي دخلو مع بعض بعد
    الحضور كان وايد .. وباين عليهم كبار 20 وفوق .. فصاير ضجة وانحراف على الآخر .. وأضواء وفﻻشات وأغاني عالية .. 
    يه بويه وسلم على ميش وقاله بارتباك : الكينج حاضر !
    ميش مستغرب لانه مو من عادة الكينج يحضر بارتي .. 
    أعرفكم على الكينج .هذا في عالم البويات الخليج ﻻزم يكون فيه راس عود .. شلة كبيرة ويكون اهو زعيمهم والكل يمشي على قراراته والكل يتمنى رضاه ... لأنه اهو مو بس زعيم قروب اهو بعد عنده مفوذ ومعارف وايد وأهله عال العال .. 
    التفت ميش على كن وقاله مرتبك : اسمع .. أي احد يكلمك أو شي ﻻ تروح وراه اطلع من الحفلة على طول
    كن يبتسم متشكك : شتخربط ؟
    ميش : كن مو قاعد أتغشمر . ﻻ تلتفت واطلع .. 
    كن هز راسه ... ميش راح بسرعة يدور روي عشان يوضح له شنو سمع ..
    كن فلها وقعد يسولف ويرقص ويضحك مع الكل رغم انه ما يعرفهم .. شوي شوي بدا يتقبل موضوع البارتيات على الرغم ان الاغاني الصاخبة تزعجه بس يفش غله بالرقص .. 
    وما يدري انه في احد كان مراقبه ويطالعه من مدة طويلة ..
    وقف بوية يم كن وكان طويل .. وعريض .. كن كش منه بس ثبت مكانه يناظره بشك
    ميش تعب وما لقى روي ﻻنه ما وده يبعد عن كن ولما شاف طلول البوية قرب من كن فز عند كن بسرعة .. 
    ميش وقف يم كن مرتبك ويطالع طلول إلي مسفهة ويقول لكن : تعال شوي في أحد يبيك 
    ميش: ما راح ايي معاك يﻻ طس .. 
    ميش سحب ايد كن يبي يمشي .. سمع صوت طلول يقول بحزم : فل عنها أحسن لك .. بس تطلعون من الباب بتندمون !
    كن حس الوضع جدي ... واستغرب حيل من المصخرة إلي قاعد تصير .. شالتخلف ؟ لهدرجة الأفﻻم مأثرة عليهم ؟ قروب و تهديد و هدنة ؟ وسكرتير يناديه عشان احب يبيه .. وليش هالشخص ما ايله بنفسه ؟ كن ما احب يتضرر ميش عشانه ولأنه يدري الموضوع جدي همس لميش 
    كن: هدني .. ﻻ تحاتي .. اطلع انت وانا وراك
    ميش صرخ: انت ما تفهم؟؟؟
    كن قاطعه : ادري افهم .. روح انت ..
    ميش رفض بس كن اصر ومشى ورا طلول .. ميش استخف واهوا يدعم بالناس يدور روي
    avatar
    رودكس

    عدد المساهمات : 390
    تاريخ التسجيل : 01/02/2015
    الموقع : ي من أسميك سعادتي, أنا احبك جداً

    رد: Under The Moon ( رواية تومبوي )

    مُساهمة  رودكس في السبت فبراير 07, 2015 4:37 pm

    جمييييييييييييلاااااااااااااهه

      الوقت/التاريخ الآن هو السبت نوفمبر 18, 2017 5:02 am